Dúfnarækt

Sælt veri fólkið,

Fyrir nokkrum vikum byrjuðu dúfur að koma á svalirnar hjá okkur. Maður var nú svosum ekkert að æsa sig yfir því, en síðan byrjuðu þær að mynda einhver óhljóð á morgnana sem mynnti helst á bilaða borvél. Ég byrjaði strax á því að reyna losna við þetta með því að binda plastpoka á handriðið. Það virtist virka ágætlega í smá tíma svo ég hélt að málið væri leyst. Síðan byrjuðu hljóðin aftur og þá lentu þær á gólfið á svölunum. Svo ég byrjaði aftur að reyna losna við þær með því að setja kassa á gólfið svo þær gætu ekki lent. Þetta leit síðan allt mjög vel út þangað til að við sáum að þær voru búnar að verpa á miðju svalargólfinu og tvö egg komin. Það var síðan ákveðið að leyfa þeim að eignast krílin þarna og fylgjast með þessu ferli. Þetta var ótrúlega skrýtið því þannig séð var ekkert hreiður komið bara tvö egg. Það er allavega búið að skýra hjónin og þau heita Bárður og Ingiríður og borvélahljóðin voru að því sem við höldum samfarahljóð. Ég mun væntanlega birta myndir af þessu í framhaldinu.

Hilsen,
Björn dúfnaræktandi